ఫ్లెక్సీ పంచాయితీ... అధికారులు, తెదేపా శ్రేణుల వాగ్వాదం

మున్సిపల్ అధికారులు, తెదేపా శ్రేణుల మధ్య ఫ్లెక్సీల వివాదం తలెత్తింది. మాజీ ఎమ్మెల్యే బడేటి బుజ్జి ఫ్లెక్సీలను మున్సిపల్ సిబ్బంది తొలగించారు. తెదేపా కార్యకర్తలు అడ్డుకోవడంతో వాగ్వాదం చోటుచేసుకుంది.

పశ్చిమ గోదావరి జిల్లా ఏలూరులో తెదేపా నేత ఫ్లెక్సీల తొలగింపు వివాదానికి దారితీసింది. తెలుగుదేశం పార్టీకి చెందిన మాజీ ఎమ్మెల్యే బడేటి బుజ్జి పుట్టినరోజు సందర్భంగా ఆయన అనుచరులు భారీ ఫ్లెక్సీలు ఏర్పాటు చేశారు. మున్సిపల్ సిబ్బంది ఆ ఫ్లెక్సీలను తొలగిస్తుండగా... తెదేపా కార్యకర్తలు, బుజ్జి అనుచరులు అడ్డుకున్నారు. ఈ విషయంపై మున్సిపల్ అధికారులు, తెదేపా శ్రేణులకు మధ్య వాగ్వాదం చోటుచేసుకుంది.