చింతమనేని ప్రభాకర్ ఇంటి వద్ద ఉద్రిక్తత

రాష్ట్రవ్యాప్తంగా ఇసుక కొరతను నిరసిస్తూ తెదేపా ఆందోళనకు దిగింది. దెందులూరు మాజీ ఎమ్మెల్యే చింతమనేని ప్రభాకర్ ఇంటి వద్ద ఉద్రిక్త పరిస్థితులు నెలకొన్నాయి. ఇసుకపై కలెక్టరేట్ ఎదుట ఆందోళన చేయడానికి ఆయన సన్నాహాలు చేస్తున్నారన్న సమచారంతో.... పోలీసులు ఇంటి వద్ద భారీగా మోహరించారు.

పశ్చిమ గోదావరి జిల్లా దెందులూరు మాజీ ఎమ్మెల్యే చింతమనేని ప్రభాకర్ ఇంటి వద్ద ఉద్రిక్త పరిస్థితులు నెలకొన్నాయి. కలెక్టరేట్ ఎదుట ఆందోళన చేయడానికి ఆయన సన్నాహాలు చేస్తున్నారన్న సమచారంతో.... పోలీసులు ఇంటి వద్ద భారీగా మోహరించారు. ఆయన బయటికి వెళ్లకుండా చర్యలు చేపట్టారు. దీంతో తెదేపా నాయకులు, కార్యకర్తలు పెద్ద సంఖ్యలో ప్రభాకర్ ఇంటి వద్దకు చేరుకున్నారు. గురువారం పెదవేగి మండలంలో జరిగిన ఇసుక వివాదానికి సంబంధించి పోలీసులు ఈ కేసులోనూ ప్రభాకర్‌ను అరెస్ట్‌ చేయనున్నట్లు ప్రచారం జరుగుతోంది. ఆయన బయటకు వస్తే ముందస్తు చర్యల్లో భాగంగా అరెస్ట్‌ చేసి... ఎస్సీ, ఎస్టీ అట్రాసిటీ కేసు నమోదు చేయనున్నట్లు తెలుస్తోంది.