బెట్టింగ్​కు పాల్పడుతున్న యువకులు అరెస్టు

పశ్చిమగోదావరి జిల్లా ఏలూరులోని ఆర్​ఆర్ పేట రాయల్ టీకార్నర్ వెనుక  బిల్డింగ్ పై ఉన్న బిలియర్డ్స్ పాయింట్ పై బెట్టింగ్​లకు పాల్పడుతున్నారనే అనుమానంతో ఏలూరు టుటౌన్​ పోలీసులు దాడి చేశారు.

పశ్చిమగోదావరి జిల్లా ఏలూరులోని ఆర్​ఆర్ పేటలోని ఓ బిల్డింగ్​పై పోలీసులు దాడి చేశారు. రాయల్ టీకార్నర్ వెనుక బిల్డింగ్ పై ఉన్న బిలియర్డ్స్ పాయింట్ పై బెట్టింగ్​లకు పాల్పడుతున్నారనే అనుమానంతో ఏలూరు టుటౌన్​ సీఐ ఆధ్వర్యంలో సిబ్బంది దాడి నిర్వహించారు. బెట్టింగ్​కు పాల్పడుతున్న కొందరు యువకులను అదుపులోకి తీసుకుని టుటౌన్ స్టేషన్​కు తరలించారు. 12 మందిని అరెస్టు చేసి వారి వద్ద నుంచి రూ.33,970 నగదును స్వాధీనం చేసుకున్నారు.