ఆకివీడులో రోడ్డు ప్రమాదం.. యువకుడి మృతి

తెల్లవారుజామున జరిగిన ప్రమాదం యువకుడి ప్రాణాలు బలితీసుకుంది. ద్విచక్రవాహనంపై ప్రయాణిస్తున్న వ్యక్తి మరణించాడు. ప్రమాదంపై బంధువులు అనుమానం వ్యక్తం చేస్తున్నారు.

పశ్చిమగోదావరి జిల్లా ఆకివీడులో తెల్లవారుజామున రోడ్డు ప్రమాదం జరిగింది. మాదివాడలోని జాతీయ రహదారిపై ఈ ఘటన చోటుచేసుకుంది. ఈ సంఘటనలో పెదకాపవరం గ్రామానికి చెందిన తాటిపర్తి సన్నీ(20) మృతి చెందాడు. పోలీసుల ద్వారా విషయం తెలుసుకున్న బంధువులు సంఘటనా స్థలానికి చేరుకున్నారు. యువకుడి మృతిపై వారు అనుమానాలు వ్యక్తం చేశారు. పోలీసులు కేసు దర్యాప్తు చేస్తున్నారు.

ఇదీ చదవండి..పొలం తగాదాల్లో ముగ్గురికి కత్తిపోట్లు