ఊరెళ్లి వచ్చేసరికి ఇళ్లంతా దోచేశారు

పార్వతీపురంలోని ఓ కాలనీలో దొంగలు పడ్డారు. ఊరి నుంచి తిరిగి వచ్చే సరికి ఇంట్లో వస్తువులు ఎత్తుకెళ్లారని బాధితులు తెలిపారు. పోలీసులు కేసు నమోదు చేసి దర్యాప్తు చేస్తున్నారు.

విజయనగరం జిల్లా పార్వతీపురం రామానంద్ నగర్​లోని ఓ ఇంట్లో చోరీ జరిగింది. బంగారం, వెండి, నగదును దొంగలు అపహరించారు. కొమరాడ మండలం పరశురాంపురానికి చెందిన అధికారి రాజశేఖర్​ దంపతులు రామానంద్​ నగర్​లో అద్దె ఇంట్లో నివాసం ఉంటున్నారు. సొంత పనులపై కొద్ది రోజుల క్రితం ఊరెళ్లారు. బుధవారం మధ్యాహ్నం కుటుంబీకులు వచ్చి చూడగా దొంగతనం జరిగినట్లు గుర్తించారు. ఘటనపై పోలీసులకు సమాచారం అందించినట్లు బాధితులు తెలిపారు. సీఐ దాశరథి, ఎస్​ఐ కళాధర్​ ఘటనా స్థలానికి చేరుకుని పరిశీలించారు. క్లూస్​ టీం వేలిముద్రల సేకరణ చేపట్టింది. సుమారు మూడు తులాల బంగారం, 60 తులాల వెండి, రూ. 75 వేల నగదును దొంగలు పట్టుకెళ్లారని బాధితులు ఫిర్యాదు చేశారు.

ఇదీ చదవండి :