విజయనగరం జిల్లాలో ఖరీఫ్‌లో ప్రధాన పంట వరి. ఈ ఏడాది వర్షాలు అనుకూలించటంతో సాధారణ విస్తీర్ణం కంటే ఎక్కువగానే వరి సాగైంది. పంట ప్రస్తుతం చిరుపొట్ట దశకు చేరుకుంది. ఈ తరుణంలో జిల్లా రైతుల్ని ఎరువుల కొరత వేధిస్తోంది. రైతు భరోసా కేంద్రాల్లోనూ ఎరువులు దొరకడం లేదు. పొటాష్ ఎరువుల కోసం రైతులకు నిరాశే ఎదురవుతోంది.
ఎరువుల కోసం రైతుల తంటాలు.. అవసరానికి దొరకకపోవడంపై నిరాశ
ప్రస్తుత దశలో వరి పంటకు కాంప్లెక్స్ ఎరువులు వేయకపోతే.. దిగుబడి, నాణ్యత తగ్గిపోవటంతో పాటు తెగుళ్లు వ్యాపిస్తాయని రైతులు ఆందోళన చెందుతున్నారు. కానీ..... ప్రభుత్వ కేంద్రాల్లో ఎక్కడా పొటాష్ ఎరువు అందుబాటులో లేకపోవటంతో... రైతులు దిక్కుతోచని పరిస్థితుల్లో కొట్టుమిట్టాడుతున్నారు. వ్యవసాయశాఖ.. ఎరువులని అందుబాటులో ఉంచకపోవటంపై రైతు సంఘాలు మండిపడుతున్నాయి.