లైంగికంగా వేధించాడని.. కార్పొరేషన్ అధికారిపై చర్యలు

Suspension: మహిళపై లైంగిక వేధింపుల దృష్ట్యా విజయనగరం కార్పొరేషన్ శానిటరీ అధికారి త్రినాథ్‌ను విధుల నుంచి తొలగించారు. మహిళను వేధింపులకు గురిచేస్తున్నారన్న ఆరోపణల నేపథ్యంలో మేయర్, కమిషనర్ ఆదేశాలతో చర్యలు తీసుకున్నట్లు విజయనగరం ప్రజారోగ్య అధికారి తెలిపారు.

Suspension: విజయనగరం కార్పొరేషన్ పరిధి కె.ఎల్.పురంలో పూరిపాక తొలగింపు విషయంలో ఓ మహిళపై లైగింక వేధింపులకు పాల్పడిన శానిటరీ సూపర్ వైజర్ త్రినాథ్​ను విధుల నుంచి తొలగించినట్లు అధికారులు తెలిపారు. ఫిర్యాదులు, ఉన్నతాధికారుల ఆదేశాల మేరకు.. త్రినాథ్​పై పట్టణ రెండో పోలీసుస్టేషన్​లో ఫిర్యాదు చేసినట్లు కార్పొరేషన్ ప్రజావైద్యాధికారి సత్యనారాయణ తెలిపారు. పొరుగు సేవల ఉద్యోగి అయిన త్రినాథ్​పై ఇప్పటికే అనేక ఆరోపణలు ఉన్నాయని.. 6 నెలల పాటు సస్పెషన్​కు గురయ్యాడని కూడా ఆయన చెప్పారు.

తాజాగా 45 డివిజన్ కె.ఎల్.పురంలో అక్రమంగా వేసుకున్న గుడిసె తొలగింపు విషయంలో.. ఆ గుడిసెకు చెందిన మహిళను లైగింకంగా వేధించినట్లు తమ దృష్టికి వచ్చిందన్నారు. వేధింపులకు సంబంధించిన వాయిస్ రికార్డ్​ను ఆధారంగా చేసుకుని, ఉన్నతాధికారుల ఆదేశాల మేరకు ఉద్యోగిని తొలగించినట్లు విజయనగరం ఎంహెచ్ఓ స్పష్టం చేశారు.

ఇదీ చదవండి: "ఇక్కడ పండు చెబితేనే ఏదైనా...మాతో వస్తే నీ కష్టాలన్నీ తీరిపోతాయి"