ACCIDENT: విద్యుత్​ స్తంభాన్ని ఢీకొట్టిన కారు..ఇద్దరు మృతి

విశాఖ జిల్లా అనకాపల్లి తోటాడ సమీపంలో రోడ్డు ప్రమాదం జరిగింది. ఈ ఘటనలో ఇద్దరు మృతి చెందగా.. మరొకరు గాయపడ్డారు.

వేగంగా వెళుతున్న కారు విద్యుత్​ స్తంభాన్ని ఢీకొట్టింది. ఈ ప్రమాదంలో ఇద్దరు మృతి చెందగా.. మరొకరు గాయపడ్డారు. ఈ ఘటన విశాఖ జిల్లా అనకాపల్లి తోటాడ సమీపంలో జరిగింది. మృతులు అప్పికొండ కుమారస్వామి(24), రాయవరపు ఈశ్వర రావు(18)గా గుర్తించారు. గాయపడిన త్రినాథను ఆస్పత్రికి తరలించారు. సంఘటనా స్థలాన్ని పట్టణ ట్రాఫిక్ సీఐ ప్రసాద్ పరిశీలించారు.

కేసు నమోదు చేసి విచారిస్తున్నట్లు ట్రాఫిక్ సిఐ వెల్లడించారు. కుమారులు మృతి చెందడంతో తల్లిదండ్రులు కన్నీరుమున్నీరుగా విలపిస్తున్నారు.

ఇదీ చదవండి:DANGER JOURNEY: కారు డిక్కీలో కూర్చుని ప్రయాణం..ప్రాణాలతో చెలగాటం