సాగర తీరంలో... సరికొత్త ప్రపంచం!
ఓ పక్క సముద్ర తీరం... మరోపక్క హిమ ప్రపంచం... ఇంతకంటే ఆహ్లాదం ఇంకేముంటుంది. వేసవిలో దీనిని మించిన ప్రదేశం మరెక్కడుంటుంది. విశాఖ నగరంలో హ్యాండ్లూమ్ హ్యాండీక్రాఫ్ట్స్ ఎగ్జిబిషన్లో ఈ ప్రపంచం కొలువుదీరింది. అందులో ప్రత్యేకంగా ఏర్పాటు చేసిన "స్నో వరల్డ్" సందర్శకులను విశేషంగా ఆకట్టుకుంటోంది.
మిరుమిట్లు గొలిపే కాంతులతో...
మండుటెండలో మంచు కురవటమే ఓ వింత. ఎంతోమందికి ఇదో ఊహే కానీ... సాధ్యం కాదు. దేశంలోని ఊటీ, కొడైకెనాల్, కుఫ్రి, మనాలి... ఇలా ఎక్కడికెళ్లినా మంచు కురవటం సాధారణమే! కానీ మిరుమిట్లు గొలిపే కాంతుల మధ్య హిమపాతం... అదీ మండు వేసవిలో అంటే ఓ పగటి కలే..!? అందుకే ఇంకెక్కడా దొరకని అనుభూతిని విశాఖ వాసుల దరిచేర్చాలని భావించారు ఎగ్జిబిషన్ నిర్వాహకులు. మండు వేసవిలో పండు మంచును కురిపిస్తూ... సరికొత్త ప్రపంచాన్ని సృష్టించారు.