మావోయిస్టుల కంచుకోటలో మరో పోలీస్ స్టేషన్

మావోయిస్టులకు కంచుకోటలా ఉన్న కట్ఆఫ్ ఏరియాలో నూతన పోలీస్ స్టేషన్ ను ఒడిశా డీజీపీ అభయ్ ప్రారంభించారు.

ఆంధ్ర - ఒడిశా సరిహద్దులో ఉన్న కట్‌ ఆఫ్ ​ఏరియాలోని జోడాంబోలలో శనివారం ఒడిశా డీజీపీ అభయ్‌ నూతన పోలీస్​ స్టేషన్‌ను ప్రారంభించారు. మావోయిస్టులకు కంచుకోటలా ఉన్న కట్‌ఆఫ్‌ఏరియాలో ఒడిశా పోలీస్‌ ఉన్నతాధికారి పర్యటించడం ప్రాముఖ్యత సంతరించుకుంది. మొదట ఆ ప్రాంత గిరిజనులతో సమావేశమైన అయన ప్రస్తుతం యావత్తు ప్రపంచాన్ని వణికిస్తున్న కరోనా సోకకుండా తీసుకోవలసిన జాగ్రత్తలను వివరించారు. అందరికి మాస్క్‌లను పంపిణీ చేశారు. కట్‌ ఆఫ్​ ‌ఏరియాలో రెండో పోలీస్‌ స్టేషన్‌ ఏర్పాటుతో మావోయిస్టుల దూకుడుకు కళ్లెం వేసినట్లయింది. గతంలో బోడోపడా వద్ద నూతన పోలీస్‌ స్టేషన్‌ ఏర్పాటు చేయగా, తాజాగా జోడాంబోలో మరో పోలీస్​స్టేషన్​ను ఏర్పాటు చేశారు. డీజీపీతోపాటు మల్కాన్‌గిరి జిల్లా ఎస్ఫీ ‌రిషికేశ్‌ డికిళారి, ఎస్‌వోజీ కమాండెంట్‌ అనిరుధ్‌సింగ్‌ తదితరులు పాల్గొన్నారు.

ఇదీ చదవండి: వైకాపాతోనే అభివృద్ధి సాధ్యం: మంత్రి అవంతి