వైకాపా కార్యకర్త హత్యకేసులో నిందితుడు అరెస్టు

వైకాపా కార్యకర్త న్యూడిల్స్ శ్రీను హత్యకేసును పోలీసులు ఛేదించారు. 24 గంటల్లో దుండగులను అదుపులోకి తీసుకుని రిమాండ్ కు తరలించారు.

విశాఖ జిల్లా చోడవరంలో వైకాపా కార్యకర్త.. మండే వెంకట అప్పారావు .. అలియాస్ న్యూడిల్స్ శ్రీను హత్య కేసులో నిందితులను పోలీసులు అరెస్టు చేశారు. ఈ కేసులో ప్రధాన నిందితుడు నాగేశ్వరరావుగా గుర్తించారు. పోలీసుల కథనం ప్రకారం... వ్యాపార, వ్యక్తిగత ఘర్షణల వల్ల శ్రీను అడ్డు తొలగించుకోవాలని నాగశ్వరరావు అనుకున్నాడు. ఈ మేరకు కొందరు యువకులతో కలిసి పథకం చేశాడు. న్యూడిల్స్ శ్రీను హత్య చేసేందుకు 2లక్షలకు ఒప్పందం చేసుకున్నాడు. అనుకున్న ప్రకారం హతమార్చారు.