మాడుగుల ఎమ్మెల్యే ముత్యాలనాయుడు హోం క్వారంటైన్

ప్రభుత్వ విప్, మాడుగుల ఎమ్మెల్యే బూడి ముత్యాలనాయుడు తన స్వగ్రామం తారువలో హోంక్వారంటైన్ లోకి వెళ్లారు. నియోజకవర్గంలో పెరుగుతున్న కరోనా కేసుల దృష్ట్యా ఈ నిర్ణయం తీసుకున్నట్లు... ఆయన కార్యాలయ సిబ్బంది తెలిపారు. ఎమ్మెల్యే ఫోన్ లో అందుబాటులో ఉంటారని వెల్లడించారు.

విశాఖ జిల్లా మాడుగుల నియోజకవర్గంలో కరోనా కేసులు పెరుగుతున్న కారణంగా.. ప్రభుత్వ విప్, ఎమ్మెల్యే బూడి ముత్యాలనాయుడు దేవరాపల్లి మండలంలోని తన స్వగ్రామం తారువలో హోం క్వారంటైన్ లోకి వెళ్లారు. నియోజకవర్గంలో కరోనా వైరస్ పెరుగుతున్నందున ఈ నిర్ణయం తీసుకున్నట్లు ఆయన తెలిపారు.

ఈ మేరకు ఎమ్మెల్యే కార్యాలయ సిబ్బంది ఓ ప్రకటన విడుదల చేశారు. అధికారులు, నాయకులు, కార్యకర్తలు, అభిమానులు తారువ కార్యాలయానికి రావొద్దని, ఫోన్లో ఎమ్మెల్యే అందుబాటులో ఉంటారని వెల్లడించారు.

ఇదీ చదవండి :రేషన్ డీలర్ల సమస్యలు పరిష్కరించాలని సీఎం జగన్​కు కన్నా లేఖ