'అమ్మ హార్ట్ హెల్పింగ్' ఆధ్వర్యంలో రక్తదాన శిబిరం

రక్తదానం ఎంతో మంది ప్రాణాలను కాపాడుతుందని విశాఖ జిల్లా చోడవరం సీఐ శ్రీనివాస్ అన్నారు. రక్తదాన శిబిరం కార్యక్రమంలో ఆయన మాట్లాడారు.

విశాఖ జిల్లా చోడవరం ప్రభుత్వ డిగ్రీ కళాశాలలో 'అమ్మ హార్ట్ హెల్పింగ్' సంస్థ ఆధ్వర్యంలో రక్తదాన శిబిరం నిర్వహించారు. సీ​ఐ శ్రీనివాస్ శిబిరాన్ని ప్రారంభించారు. స్థానిక యువకులు రక్తదానం చేశారు. పది సంవత్సరాల నుంచి ఈ సంస్థ ఆధ్వర్యంలో రక్తదాన కార్యక్రమాలు నిర్వహించడం అభినందనీయమని సీఐ కొనియాడారు. ఎస్సై లక్ష్మీనారాయణ పాల్గొన్నారు.

ఇదీ చదవండి..టాయిలెట్​కు వెళ్లాలంటే.. తరగతి ఎగ్గొట్టాల్సిందే!