ఏఎస్సై కాళ్లు మెుక్కిన.. అరకు ఎమ్మెల్యే
విశాఖ జిల్లా అరకులోయలో లాక్డౌన్ నేపథ్యంలో పోలీసుల సేవలను కొనియాడుతూ ఎమ్మెల్యే శెట్టి ఫాల్గుణ పోలీసులకు పాదాభివందనం చేశారు. కరోనా వైరస్ను కట్టడి చేయటంలో పోలీసులు చేస్తున్న సేవలు.. వేల కట్టలేనివని అభిప్రాయపడ్డారు. ఈ సందర్భంగా ఏఎస్సై మోహన్ కాళ్లకి నమస్కారం చేశారు. ఎమ్మెల్యే చర్యని అందరూ అభినందించారు. ప్రజలు స్వీయ నిర్బంధం పాటించి కరోనా వైరస్ నివారించే చర్యలో భాగస్వామ్యం కావాలని ఎమ్మెల్యే పిలుపునిచ్చారు.