విశాఖ జిల్లా పెందుర్తిలోని అప్పన్నపాలెం గ్రామంలో పెళ్లయిన మూడు నెలలకే హరీష్ అనే యువకుడు ఆత్మహత్య చేసుకున్నాడు. ఆటో నడుపుకుంటూ జీవనం సాగిస్తున్న హరీష్ మే నెలలో శ్రీకాకుళం జిల్లాకు చెందిన యువతితో వివాహం జరిగింది. ఆషాఢమాసంలో అతని భార్య పుట్టింటికి వెళ్లింది. ఆమెను తీసుకురావటానికి హరీష్ తల్లి అప్పయ్యమ్మ శ్రీకాకుళం వెళ్లింది. ఇంట్లో ఎవ్వరు లేకపోవటంతో హరీష్ ఉరివేసుకుని ఆత్మహత్యకు పాల్పడ్డాడు.
పెళ్లైన మూడు నెలలకే భర్త చనిపోవడంతో భార్య తీవ్ర విషాదంలో మునిగిపోయింది. తల్లిదండ్రులు లేని ఆమె బంధువులు సంరక్షణలో పెరిగింది. ఇప్పుడు భర్త కూడా దూరమైపోవడంతో ఆమె రోదిస్తున్న తీరు అందిరిని కంటతడి పెట్టిస్తోంది.అసలు హరీష్ ఎందుకు ఆత్మహత్య చేసుకున్నాడో తెలియటంలేదని కుటుంబసభ్యులు అంటున్నారు. పోలీసులు కేసు నమోదు చేసి దర్యాప్తు చేపట్టారు.