తిరువీధుల్లో ఊరేగిన శ్రీదేవి, భూదేవి సమేత ఉగ్రశ్రీనివాసమూర్తి
Tirumala Tirupati Devasthanam: తిరుమలలో కైశికద్వాదశి ఆస్థానంను తితిదే వైభవంగా నిర్వహించింది. శ్రీవారి ఆలయంలోని.. ఉగ్ర శ్రీనివాసమూర్తిని శ్రీదేవి, భూదేవి అమ్మవార్లను తిరుచ్చీపై తిరుమాడవీధుల్లో ఊరేగించారు. అనంతరం బంగారు వాకిలిచెంత ఆస్థానాన్ని అర్చకులు వేడుకగా నిర్వహించారు. ఏడాదిలో కైశిక ద్వాదశి రోజు మాత్రమే సూర్యోదయానికి ముందు ఉగ్ర శ్రీనివాసమూర్తికి ఊరేగింపు నిర్వహిస్తారని తితిదే ఈవో ధర్మారెడ్డి తెలిపారు. వేకువజామున నాలుగున్నర గంటల నుంచి ఐదున్నర గంటల వరకు ఉత్సవాన్ని నిర్వహించారు.