కాశీబుగ్గ సీఐ ఘటనపై పోలీసుశాఖ తరుపున క్షమాపణలు: ఎస్పీ

ఎస్సీ యువకుడిని బూటు కాలితో తన్నిన కాశీబుగ్గ సీఐపై వేటు పడింది. వేణుగోపాల్​ను సస్పెండ్ చేసినట్లు ఎస్పీ అమిత్ బర్దార్ తెలిపారు. పోలీసుశాఖ తరుపున క్షమాపణలు చెబుతున్నట్లు ఎస్పీ ప్రకటించారు.

శ్రీకాకుళం జిల్లా కాశీబుగ్గ పోలీసుస్టేషన్‌ ఆవరణలో ఎస్సీ వ్యక్తిపై ప్రతాపం చూపిన సీఐ వేణుగోపాల్​ పై వేటు పడింది. పలాస మండలం టెక్కలిపట్నంలో ఇంటి స్థలం కోసం ఐదు రోజులుగా వివాదం నెలకొంది. ఈ నేపథ్యంలో ఎస్సీ సామాజిక వర్గానికి చెందిన వ్యక్తి కాశీబుగ్గ పోలీసుస్టేషన్‌ కు వచ్చాడు. సీఐకు పరిస్థితిని వివరిస్తుండగా ఒక్కసారిగా తన బూటు కాలితో సీఐ వేణుగోపాల్ జులుం ప్రదర్శించారు. ఈ ఘటన మీడియాలో వైరల్​ కావడం వల్ల విశాఖ డీఐజీ రంగారావు.. వేణుగోపాల్​ను సస్పెండ్ చేశారు. జిల్లా పోలీసు కార్యాలయంలో ఎస్పీ అమిత్ బర్దార్ మాట్లాడుతూ... సీఐ వేణుగోపాల్​ను సస్పెండ్ చేసినట్లు ధ్రువీకరించారు. పోలీసుశాఖ తరుపున క్షమాపణలు చెబుతున్నట్లు ఎస్పీ ప్రకటించారు.

ఎస్సీ యువకుడిని బూటు కాలితో తన్నిన కాశీబుగ్గ సీఐపై వేటు

ఇవీ చదవండి