'ప్రజలకు ఎర్రన్నాయుడు విలువైన సేవలు అందించారు'

దివంగత నేత కింజరాపు ఎర్రన్నాయుడు 8వ వర్ధంతి సందర్భంగా శ్రీకాకుళం జిల్లాలో తెదేపా నేతలు ఘనంగా నివాళులర్పించారు. ఈ సందర్బంగా ఆయన చేసిన సేవలను పలువురు కొనియాడారు. మరికొందరు ప్రభుత్వ ఆస్పత్రిలో రోగులకు పండ్లు పంపిణీ చేశారు.

మాజీ కేంద్రమంత్రి, తెదేపా నేత, దివంగత కింజరాపు ఎర్రన్నాయుడు 8వ వర్ధంతిని పురస్కరించుకుని శ్రీకాకుళం జిల్లాలో తెదేపా నేతలు ఆయనకు ఘన నివాళులర్పించారు.

నిమ్మాడలో ఎర్రన్నాయుడు 8వ వర్ధంతిని ఘనంగా నిర్వహించారు. అచ్చెన్నాయుడు, రామ్మోహన్ నాయుడు, ఆదిరెడ్డి భవాని, పలువురు మాజీ ఎమ్మెల్యేలు పాల్గొన్ని ఆయనకు నివాళులర్పించారు. ఈ కార్యక్రమంలో స్థానిక తెదేపా నాయకులు, కార్యకర్తలు భారీగా పాల్గొన్నారు.

పాతపట్నంలో మాజీ ఎమ్మెల్యే కలమట వెంకటరమణమూర్తి ఆధ్వర్యంలో... పట్టణంలోని కోర్టు కూడలిలో ఆయన విగ్రహానికి పూలమాల వేసి నివాళి అర్పించారు. అనంతరం ప్రభుత్వ ఆస్పత్రిలో రోగులు, నవజీవన్ ఆశ్రమంలో బధిరులకు పండ్లు పంపిణీ చేశారు. జిల్లా ప్రజలకు ఆయన విలువైన సేవలు అందించారన్నారు. అలాగే పార్టీ ప్రగతికి ఆయన ఎంతగానో కృషి చేశారని పేర్కొన్నారు. ఈ కార్యక్రమంలో పలువురు తెదేపా నాయకులు, కార్యకర్తలు పాల్గొన్నారు.

ఇచ్చాపురం పట్టణంలోని బస్టాండ్ వద్ద పట్టణ తెలుగుదేశం పార్టీ అధ్యక్షుడు పళ్ల ధర్మారావు అధ్యక్షతన ప్రత్యేక కార్యక్రమాన్ని నిర్వహించారు. ఈ సందర్భంగా ఎర్రన్నాయుడి విగ్రహానికి పూలమాలలు వేశారు. ఈ కార్యక్రమంలో జిల్లా తెలుగు మహిళ ప్రధాన కార్యదర్శి లీలారాణి, తెదేపా నాయకలు, తదితరులు పాల్గొన్నారు.

ప్రజలకు ఎర్రన్నాయుడు విలువైన సేవలు అందించారు

ఇదీ చూడండి: