పొలానికి నీరు పెట్టేందుకు వెళ్లిన రైతును విద్యుత్ కబళించింది. పోంగూరు గ్రామానికి చెందిన ఉరిమిండి శ్రీకాంత్(24) తన పొలానికి నీరు పెట్టేందుకు వెళ్లాడు. మోటర్ ఆన్ చేస్తుండగా విద్యుదాఘాతానికి గురయ్యాడు. ఒక్కసారిగా కుప్పుకూలిపోవడం చూసిన స్థానికులు.. శ్రీకాంత్ను ఆసుపత్రికి తరలించారు. అప్పటికే మృతి చెందినట్లు వైద్యులు తెలిపారు. ఒక్కగానొక కుమారుడు మృతి చెందడంతో తల్లిదండ్రులు కన్నీరుమున్నీరుగా విలపిస్తున్నారు. యువకుడి మృతితో గ్రామంలో విషాదఛాయలు అలుముకున్నాయి.
ఉసురు తీసిన విద్యుత్.. యువ రైతు మృతి
పోలానికి నీరు పెట్టేందుకు వెళ్లిన ఓ యువ రైతు విద్యుదాఘాతానికి గురై మృతి చెందాడు. ఈ ఘటన నెల్లూరు జిల్లా మర్రిపాడు మండలం పోంగూరు గ్రామంలో చోటు చేసుకుంది.
ఉసురు తీసిన విద్యుత్.. యువ రైతు మృతి