నెల్లూరులో వైభవంగా వేణుగోపాలస్వామి రథోత్సవం
నెల్లూరులో వేణుగోపాలస్వామి బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా ఆదివారం రుక్మిణీ, సత్యభామ సమేత వేణుగోపాలస్వామి రథోత్సవం నిర్వహించారు. సర్వాభరణాలతో స్వామివారిని సుందరంగా ముస్తాబు చేసి పురవీధుల్లో ఊరేగించారు. ఈ ఉత్సవాన్ని తిలకించేందుకు భక్తులు పెద్దఎత్తున తరలివచ్చారు. రథం లాగేందుకు యువకులు, మహిళలు ఉత్సాహం చూపించారు. అడుగడుగునా రథానికి హారతులిచ్చి, కొబ్బరికాయలు కొట్టి మొక్కులు చెల్లించుకున్నారు.