షార్ లో అంతరిక్ష ఉత్సవాలు ప్రారంభం
అంతరిక్ష పరిశోధన రాకెట్ ప్రయోగ కేంద్రం శ్రీ హరికోటలోని సతీష్ ధవన్ స్పేస్ సెంటర్లో అంతరిక్ష ఉత్సవాలు మొదలయ్యాయి. భారత అంతరిక్ష పితామహుడు విక్రమ్ సారాబాయి శత జయంతి ఉత్సవాలను ఏడాదిపాటు నిర్వహించనున్నారు. ఈ సందర్భంగా జరిగిన సమావేశంలో షార్ డైరెక్టర్ పాల్గొన్నారు. జ్యోతి ప్రజ్వలన చేసి సతీష్ ధావన్ చిత్రపటానికి పూలమాలలు వేసి నివాళులు అర్పించారు. విద్యార్థులకు వ్యాసరచన పోటీలు నిర్వహించారు. షార్ శాస్త్రవేత్తలు, ముఖ్య విభాగాల అధికారులు ఈ కార్యక్రమానికి హాజరయ్యారు.