కార్పొరేషన్, ఆహార కల్తీ నియంత్రణ అధికారుల తనిఖీలు
నెల్లూరు నగరంలోని హోటల్స్, ఐస్క్రీమ్, టీ దుకాణాల్లో కార్పొరేషన్, ఆహార కల్తీ నియంత్రణ అధికారుల ముమ్మరంగా తనిఖీలు నిర్వహించారు. మద్రాస్ బస్టాండ్ సమీపంలోని తందూరి చికెన్ షాప్లో దాదాపు 30 కేజీల నిల్వ ఉంచిన మాంసాన్ని అధికారులు గుర్తించారు. ఈ మాంసంలో ఫంగస్ చేరి పాడైందని పేర్కొన్నారు. సింహపురి రుచుల హోటల్లోనూ ప్లాస్టిక్ కవర్లలో నిల్వ ఉంచిన మాంసాన్ని స్వాధీనం చేసుకున్నారు. వంటగదుల్లో అపరిశుభ్ర వాతావరణంతో బొద్దింకలు, ఎలుకలు ఉండటాన్ని గుర్తించారు. దాదాపు 10 హోటల్స్లో దాడులు జరిపిన అధికారులు... 2 లక్షల రూపాయల జరిమానా విధించారు. పలు హోటల్స్కు నోటీసులు జారీ చేసి, తాత్కాలికంగా సీజ్ చేశారు. పరిస్థితి మెరుగుపడకుంటే శాశ్వతంగా సీజ్ చేస్తామని అధికారులు హెచ్చరించారు.