నెల్లూరులో మంత్రి అనిల్ పర్యటన ముఖ్యమంత్రి జగన్తో చర్చించి ఇరిగేషన్ స్థలాల క్రమబద్ధీకరణ చర్యలు తీసుకుంటామని జలవనరుల శాఖ మంత్రి అనిల్ కుమార్ యాదవ్ ప్రకటించారు. నెల్లూరు రామలింగాపురం జలవనరులశాఖ కార్యాలయాన్ని మంత్రి పరిశీలించారు. అమరావతి, మంగళగిరిల్లో ఇరిగేషన్ స్థలాలను తక్కువ లీజుతో తీసుకుని ఓ రాజకీయ పార్టీ భవనాలు నిర్మించిందని మంత్రి తెలిపారు. జల వనరుల శాఖ కార్యాలయాలు అద్దె భవనాల్లో ఉంటుంటే... ఖరీదైన స్థలాలను మాత్రం కొందరు తక్కువ ధరకే లీజుకు తీసుకున్నారని ఆరోపించారు. ఈ అంశంపై ముఖ్యమంత్రితో చర్చించి అవసరమైన చర్యలు చేపడుతామన్నారు. నెల్లూరు ఇరిగేషన్ నూతన కార్యాలయం భవనాన్ని నాలుగున్నర కోట్ల రూపాయల వ్యయంతో నిర్మించేందుకు ప్రతిపాదన సిద్ధం చేస్తున్నామని మంత్రి చెప్పారు. త్వరలోనే లస్కర్ల ఉద్యోగ ఖాళీలను భర్తీ చేస్తామని చెప్పారు.
ఇదీ చదవండి :
