కర్నూలు జిల్లా సిరివెళ్ల మండలం బోయలకుంట్ల వద్ద రోడ్డు ప్రమాదం చోటుచేసుకుంది. ఘటనలో ఇద్దరు యువకులు అక్కడికక్కడే మృతి చెందగా.. మరో వ్యక్తి తీవ్ర గాయాలతో ఆసుపత్రిలో చికిత్స పొందుతున్నాడు. మృతులు జుబేర్, శమీర్లుగా గుర్తించారు.
ద్విచక్రవాహనంపై జుబేర్, శమీర్, రంగనాయకులు ముగ్గురు కలిసి వెళ్తుండగా.. ఎదురుగా వస్తున్న బొలెరో వాహనం ఢీకొట్టింది. గాయపడ్డ రంగనాయకులును నంద్యాల ప్రభుత్వ ఆసుపత్రికి తరలించారు. ఘటనపై కేసు నమోదు చేసిన పోలీసులు విచారణ చేపట్టారు.