liquor seize: కర్నూలులో పక్క రాష్ట్రం మద్యం పట్టివేత..

కారులో అక్రమంగా తరలిస్తున్న పక్క రాష్ట్రం మద్యాన్ని (karnataka liquor) కర్నూలు జిల్లా పోలీసులు పట్టుకున్నారు. 30 బాక్సుల్లో 2,880 టెట్రా ప్యాకెట్ల మద్యాన్ని స్వాధీనం చేసుకున్నట్లు సీఐ పార్థసారధి తెలిపారు.

పక్క రాష్ట్రం నుంచి అక్రమంగా తరలిస్తున్న మద్యాన్ని.. కర్నూలు జిల్లాలో పోలీసులు పట్టుకున్నారు. ఆథోని మండలం పెద్దహరివణం వద్ద వాహన తనిఖీలు చేపట్టిన పోలీసులకు.. అక్రమంగా మద్యం తరలిస్తున్న కారు ఎదురైంది. ఆ కారు తనిఖీ చేయగా.. అందులో రూ. 3 లక్షల విలువైన మద్యం పట్టుబడింది.

ఈ మద్యం ఎక్కడి నుంచి తరలిస్తున్నారని ఆరాతీయగా.. కర్ణాటక రాష్ట్రం నుంచి తరలిస్తున్నట్టుగా తేలింది. మద్యంతోపాటు కారును సీజ్ చేసిన పోలీసులు.. డ్రైవర్​ను అరెస్టు చేశారు. మొత్తం 30 బాక్సుల్లో 2,880 టెట్రా ప్యాకెట్ల మద్యాన్ని స్వాధీనం చేసుకున్నట్లు సీఐ పార్థసారధి వెల్లడించారు. ఈ వ్యవహారంలో మరో ఇద్దరిపైనా కేసు నమోదు చేసినట్లు తెలిపారు. ఇటువంటి చర్యలకు పాల్పడితే కఠిన చర్యలు తప్పవని సీఐ హెచ్చరించారు.

ఇదీ చదవండి:
పేదలందరికీ ఇళ్ల పథకం..హైకోర్టు తీర్పుపై సుప్రీంకోర్టుకెళ్తాం: బొత్స