పోలీసుల అదుపులో సిగరెట్ల దొంగ

కర్నూలు జిల్లా ఆళ్లగడ్డలో లక్షల విలువైన సిగరెట్లు దొంగతనం చేసిన ఇద్దరిలో.. ఒక వ్యక్తిని పోలీసులు అదుపులోకి తీసుకున్నారు. 8 లక్షలకు పైగా నగదు, 5 లక్షల రూపాయల విలువైన సిగరెట్లు స్వాధీనం చేసుకున్నారు.

కర్నూలు జిల్లా ఆళ్లగడ్డలో సిగరెట్ల దొంగను పోలీసులు అరెస్టు చేశారు. గత సంవత్సరం డిసెంబరులో గోడౌన్ లూఠీ చేసిన ఇద్దరు వ్యక్తులు.. 19 లక్షల రూపాయల విలువైన సిగరెట్లు ఎత్తుకెళ్లారు. సీసీ కెమెరాల ఫూటేజి ఆధారంగా కేసును పోలీసులు దర్యాప్తు చేశారు. ఓ వ్యక్తిని చాకచక్యంగా అరెస్టు చేశారు. అతని నుంచి 8 లక్షల 70 వేల రూపాయల నగదు.. 5 లక్షల విలువైన సిగరెట్లను స్వాధీనం చేసుకున్నారు. పరారాలో ఉన్న మరో వ్యక్తిని పట్టుకునేందుకు విస్తృతంగా గాలిస్తున్నారు.