అమరావతి మార్పుపై బొత్స వ్యాఖ్యలు సరికాదు: భూమా అఖిలప్రియ
అమరావతి మార్పుపై పురపాలక శాఖ మంత్రి బొత్స సత్యనారాయణ వ్యాఖ్యలకు మాజీ మంత్రి భూమా అఖిలప్రియ స్పందించారు. రాజధాని నిర్మాణంపై నీలి నీడలు వచ్చేలా బొత్స వ్యాఖ్యలు ఉన్నాయంటూ... కర్నూలు జిల్లా ఆళ్లగడ్డలో జరిగిన సమావేశంలో విమర్శించారు. రాష్ట్రంలో వరదలు, కరవు పరిస్థితులు నెలకొన్న సమయంలో... ఇలాంటి వ్యాఖ్యలు చేయటం సరికాదన్నారు. రాజధానికి భూములు ఇచ్చిన రైతులను బొత్స అవమానించారని... వెంటనే వారికి మంత్రి క్షమాపణ చెప్పాలని అఖిలప్రియ డిమాండ్ చేశారు.