కర్నూలు జిల్లా భారీ వర్షాలు కురుస్తున్నాయి. వానలకు జిల్లాలోని ఆళ్లగడ్డ ప్రాంతంలో రైతులు నష్టపోయారు. వారిని ప్రభుత్వం ఆదుకోవాలని... నంద్యాల సబ్ కలెక్టర్ కల్పనాకుమారికి భాజపా నాయకుడు భూమా కిశోర్ రెడ్డి వినతిపత్రం అందజేశారు.
కుందూ నది నీటి ప్రవాహానికి ఉయ్యాలవాడ, దొర్నిపాడు, చాగలమర్రి మండలాల్లో పలు గ్రామాల్లో పంట పొలాలు నీట మునిగి రైతుకు నష్టం వాటిల్లిందని ఆయన వివరించారు. ఆళ్లగడ్డలో ఇసుక సరఫరా ఆగిపోయిందని అధికారులు స్పందించాలని కోరారు.