కుటుంబ కలహాలతో వ్యక్తి ఆత్మహత్య
విజయవాడ సింగ్ నగర్ వాంబే కాలనీలో దారుణం జరిగింది. కుటుంబ కలహాలతో అప్పారావు అనే వ్యక్తి ఒంటిపై కిరోసిన్ పోసుకుని అత్మహత్యకు పాల్పడ్డాడు. కొంతకాలంగా భార్యా భర్తల మధ్య మనస్పర్థలు నెలకొన్నాయి. భార్యతో గొడవపడిన అప్పారావు బాటిల్లో ఉన్న పెట్రోల్ని భార్యపై పోసి నిప్పంటించే ప్రయత్నం చేయగా.. కేకలు వేసింది. ఇది విన్న ఇరుగుపొరుగు వారు అప్పారావును తీవ్రస్థాయిలో మందలించారు. అనంతరం అప్పారావు తాను ఉండే ఫ్లాట్లోకి వెళ్ళి మళ్లీ భార్యపై పెట్రోల్ పోసి.. మిగిలింది తనపై పోసుకొని నిప్పంటించుకున్నాడు. స్థానికులు వచ్చి మంటలు ఆర్పివేయగా.. తీవ్ర గాయాలతో అక్కడికక్కడే మృతి చెందాడు. అనుమానాస్పద మృతిగా కేసు నమోదు చేసిన నున్న గ్రామీణ పోలీసులు దర్యాప్తు చేస్తున్నారు.