కొండెక్కిన కూరగాయల ధరలు
కూరగాయల ధరలు అమాంతం పెరిగి కొండ ఎక్కాయి. వారం రోజుల వ్యవధిలో దాదాపు రెట్టింపు అయ్యాయి. ఐదారు రకాలు తప్ప... మిగతావి కిలో 40 రూపాయలు పైనే పలుకుతున్నాయి. విజయవాడ రైతు మార్కెట్‌లో క్యాప్సికం, పచ్చిమిర్చి, బెండ, బీర, కాకర, క్యాబేజి వంటి కూరలు 35 రూపాయలు పైనే ధర పలుకుతున్నాయి. చిక్కుళ్లు, బీన్స్ ధర 50 రూపాయలకు పైగా చేరింది. పెరిగిన రేట్లతో ఇబ్బందులు పడుతున్నామని వినియోగదారులు అంటున్నారు. వారానికి సరిపడా కొందామని వస్తే సగం సంచి కూడా కూరలు నిండటం లేదని వాపోతున్నారు.