వయోపరిమితి పెంచాలని కోరుతూ ఆందోళన

విజయవాడ ఎన్టీఆర్ సర్కిల్ సమీపంలోని సర్వోత్తమ గ్రంథాలయం వద్ద నిరుద్యోగులు ఆందోళన నిర్వహించారు. తమ సమస్యలు పరిష్కరించాలని కోరుతూ నిరసన తెలిపారు.

ఏపీపీఎస్సీ నిర్వహించే గ్రూప్స్ పరీక్షలకు సంబంధించి 1:50 నిష్పత్తిలో అభ్యర్థులను మెయిన్స్ పరీక్షకు ఎంపిక చేయాలని నిరుద్యోగాలు డిమాండ్ చేశారు. విజయవాడ ఎన్టీఆర్ సర్కిల్ వద్ద ఆందోళనకు దిగారు. ప్లకార్డులు చేతబట్టి మోకాళ్లపై నిలబడి నిరసన తెలిపారు. ఏళ్లతరబడి ఖాళీగా ఉన్న గ్రాంథాలయ శాఖ పోస్టులను వెంటనే భర్తీ చేయాలని, గ్రామ సచివాలయాల్లో గ్రంథాలయ శాఖకు సైతం స్థానం కల్పించాలని డిమాండ్ చేశారు. ప్రభుత్వం చేపట్టే నియామకాలకు సంబంధించిన వయోపరిమితిని 46 ఏళ్లకు పొడిగించాలని ప్రభుత్వాన్ని కోరారు.

ఇదీ చూడండి ఆ కులాల వారికి ఏటా రూ.10వేల ఆర్థికసాయం