పెంచిన విద్యుత్ ఛార్జీలకు నిరసనగా రాష్ట్ర వ్యాప్తంగా తెలుగుదేశం నేతలు నిరసన దీక్షకు దిగారు. నిబంధనలు పాటిస్తూ ఎవరి ఇళ్లలో వారే దీక్షకు కూర్చున్నారు. విజయవాడ కేశినేని భవన్లో రాష్ట్ర పార్టీ అధ్యక్షులు కళా వెంకట్రావ్, కేశినేని నాని, శ్వేత తదితరులు నిరసన చేపట్టారు. ప్రభుత్వానికి అవగాహన లేకే బిల్లులు పెంచిందని ఆరోపించారు.
కరోనాతో పేద ప్రజలు అల్లాడుతుంటే ప్రభుత్వం విద్యుత్ చార్జీలు పెంచడం హేయమని కళా వెంకట్రావ్ ధ్వజమెత్తారు. ఇలాంటి సమయంలో వచ్చిన బిల్లులను ప్రభుత్వం వెంటనే రద్దు చేయాలని డిమాండ్ చేశారు. పాత శ్లాబు విధానమే కొనసాగించాలన్నారు. లేదంటే ఇంకా ఆందోళనలు ఉధృతం చేస్తామని హెచ్చరించారు.