రాష్ట్ర ఎన్నికల కమిషనర్ రమేశ్​కుమార్‌కు భద్రత పెంపు

రాష్ట్ర ఎన్నికల కమిషనర్‌ రమేష్‌కుమార్‌‌కు భద్రత పెంచారు. స్థానిక సంస్థల ఎన్నికల వాయిదా అనంతరం అధికార పార్టీ నేతలు ఆయనపై తీవ్ర విమర్శలు చేశారు. ఈ నేపథ్యంలో రమేశ్​కుమార్‌కు ప్రభుత్వం భద్రత పెంచింది.

రాష్ట్ర ఎన్నికల కమిషనర్ కార్యాలయానికి భద్రత పెరిగింది. సీఆర్పీఎఫ్ బలగాలు విజయవాడ బందర్ రోడ్డులోని రాష్ట్ర కార్యాలయానికి చేరుకున్నాయి. గన్నవరంలోని 39వ బెటాలియన్ నుంచి సీఆర్పీఎఫ్ సిబ్బంది వచ్చినట్టు అధికారులు తెలిపారు. ఎస్సై, హెడ్ కానిస్టేబుల్, 8 మంది కానిస్టేబుళ్లు ఈ బృందంలో ఉన్నారు.

ఇదీ చదవండి:ఎన్నికల వాయిదాను ఆపలేం.. ఎస్ఈసీదే తుది నిర్ణయం: సుప్రీంకోర్టు