ఒంగోలులో ప్రారంభంకానున్న ట్రిబుల్ ఐటీ
ప్రకాశం జిల్లా ఒంగోలు ట్రిబుల్ ఐటీ క్యాంపస్లో ఈ నెల 30 తేదీన మొదటి సంవత్సరం పి-1 విద్యార్థులకు తరగతులు ప్రారంభిస్తున్నట్లు అధికారులు పేర్కొన్నారు. నెలరోజుల నుంచి మరమ్మతులు చేపట్టి, ఎట్టకేలకు సిద్దం చేశారు. ప్రస్తుతం ఒంగోలు ట్రిపుల్‌ ఐటీని కడప జిల్లా ఇడుపులపాయలో నిర్వహిస్తున్నారు. మిగతా తరగతులు ఇడుపలపాయలో యథావిధిగా నిర్వహిస్తూ, ఈ ఏడాది ఎంపికైన 1100 మంది విద్యార్థులకు మాత్రం ఒంగోలు క్యాంపస్లో తరగతులు ప్రారంభిస్తారు. ఈ నెల 29కి విద్యార్థులంతా క్యాంపస్‌కు చేరుకోవాలని అధికారులు తెలిపారు.