మంత్రి కొడాలి నాని ప్రసంగం
రాష్ట్రంలో విగ్రహాల దాడుల వెనుక ఎవరు ఉన్నా పోలీసులు కఠిన చర్యలు తీసుకోవాలని పౌర సరఫరాల శాఖ మంత్రి కొడాలి నాని అన్నారు. పోలీస్‌ వ్యవస్థకు వైకాపా ప్రభుత్వం అండగా ఉంటుందని తెలిపారు. తెలుగుదేశం, భాజపా ఒత్తిళ్లకు డీజీపీ తలొగ్గాల్సిన అవసరం లేదని చెప్పారు. ఆలయాల్లో దాడులపై రాజకీయ ప్రమేయం ఉందని చెప్పిన డీజీపీని కొందరు బెదిరిస్తున్నారని... వాటిని పోలీసులు తీవ్రంగా పరిగణించాలని నాని సూచించారు. రాష్ట్రంలో భాజపాను ప్రజలు నమ్మరన్న మంత్రి... సోము వీర్రాజు రథయాత్రను పట్టించుకోవాల్సిన అవసరం లేదని వ్యాఖ్యానించారు.