కృష్ణా జిల్లాలో దంపతుల దుర్మరణం

కృష్ణా జిల్లాలో ఘోర రోడ్డు ప్రమాదం జరిగింది. ద్విచక్రవాహనాన్ని టిప్పర్ ఢీకొట్టడంతో దంపతులిద్దరూ అక్కడికక్కడే మృతి చెందారు.

కృష్ణా జిల్లా జి.కొండూరు మండలం కుంటముక్కల క్రాస్ రోడ్డు వద్ద జరిగిన రోడ్డు ప్రమాదంలో భార్యభర్తలు మృతి చెందారు. రెడ్డిగూడెం మండలం బూర్గుగూడెం గ్రామానికి చెందిన దాసరి రాధాకృష్ణ , అరుణ దంపతులు. ద్విచక్ర వాహనంపై ప్రయాణిస్తున్న వీరిని టిప్పర్ ఢీకొట్టడంతో ఇద్దరూ అక్కడికక్కడే మరణించారు. గాయపడిన టిప్పర్ చోదకుడిని ఆసుపత్రికి తరలించారు. పోలీసులు కేసు నమోదు చేసుకొని దర్యాప్తు చేస్తున్నారు.

ఇదీచదవండి.