'భాజపా ఓటమే లక్ష్యం'

కేంద్ర ప్రభుత్వం ప్రకటించిన విశాఖ రైల్వేజోన్ మోసపూరితమని ఎంపీ కొనకళ్ల నారాయణ అభిప్రాయపడ్డారు. కృష్ణా జిల్లా గుడ్లవల్లేరులో ఓకార్యక్రమానికి హాజరైన ఎంపీ.. భాజపాను ఓడించడమే లక్ష్యమన్నారు.

కృష్ణాజిల్లా గుడ్లవల్లేరులో20 ఏళ్లుగా వైద్య సేవలు అందిస్తున్న డాక్టర్ సీఎల్ వెంకట్రావును ఎంపీ కొనకళ్ల నారాయణ సన్మానించారు. డాక్టర్​కు ఏర్పాటు చేసిన అభినందన సభలో పాల్గొన్నారు. ఈ సందర్భంగా... కేంద్ర ప్రభుత్వ తీరును తప్పుబట్టారు. ఎక్కువ ఆదాయం ఉన్నవాల్తేరు డివిజన్​ను విశాఖ రైల్వే జోన్​లో కలపకపోవడం.. రాష్ట్రానికి అన్యాయం చేసినట్టేనన్నారు. విభజన హామీలను నెరవేర్చని భాజపాను ఓడించడమే లక్ష్యమని స్పష్టం చేశారు.