ఇరువర్గాల మధ్య ఘర్షణ... నలుగురికి గాయాలు

కృష్ణా జిల్లా గొల్లపల్లి వేంపాడు అగ్రహారంలో ఇరువర్గాల మధ్య ఘర్షణ జరిగింది. భూమి విషయంతో తలెత్తిన గొడవలో నలుగురికి గాయాలయ్యాయి.

కృష్ణా జిల్లా నూజివీడు మండలం గొల్లపల్లి వేంపాడు అగ్రహారంలో భూవివాదం కారణంతో ఇరువర్గాల మధ్య ఘర్షణ జరిగింది. సాగుదారులు, స్థానిక నాయకుల మధ్య కొంతకాలంగా గొడవలు జరుగుతున్నాయి. ఈ క్రమంలో మీర్జాపురం గ్రామానికి చెందిన కూలీలు తోటలో పనిచేస్తుండగా... స్థానిక నేతలు కర్రలతో దాడి చేశారు. ఇరువర్గాల మధ్య ఘర్షణ జరగడంతో నలుగురు కూలీలకు గాయాలయ్యాయి. చికిత్స నిమిత్తం బాధితులను ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు వెల్లడించారు.

ఇదీచదవండి.