ఇ - కర్షక్ పంట నమోదు ప్రక్రియ వేగవంతం

రైతులు , కౌలుదారులు తమ పంటలను ఈ కర్షక్ లో నమోదుచేసుకోవాలని వ్యవసాయ అధికారులు తెలియజేస్తున్నారు. ఇదీ ప్రభుత్వ పథకాలు అందుకునేందుకు, ఇతర అవసరాలుకు ఉపయోగపడుతుందని తెలిపారు. ఈ ప్రక్రియను వేగవంతం చేశారు.

కృష్ణా జిల్లా అవనిగడ్డ నియోజకవర్గంలో రైతుల వివరాలను ఈ కర్షక్ లో నమోదు చేసే కార్యక్రమాన్ని వేగవంతం చేశారు. రైతులు , కౌలుదారులు తమ పంటలను ఈ కర్షక్ లో నమోదుచేసుకోవాలని వ్యవసాయ అధికారులు చెబుతున్నారు. దీని వల్ల కలిగే లభాలను సైతం వివరిస్తున్నారు.

వ్యవసాయ ప్రణాళిక, ఇన్ పుట్స్, బుణ ప్రణాళిక , వ్యవసాయ ఉత్పత్తుల సేకరణ , పంట నష్టాల తాలుకా ఇన్ పుట్ సబ్సిడీ, పంటల బీమా పధకము, బుణ సదుపాయము, రైతు బరోసా, విత్తనాలు, ఎరువులు పొందటానికితి ఉపయోగపడుతుంది. ప్రతి రైతు తమ పొలముకు సంబదించిన పత్రాలు. తమ ఆధార్ నెంబరు, పోన్ నెంబరుతో తాము పండించే పంట పొలములో వేసిన పంటను జీపీఎస్ ఉపయోగించి రైతు ఫోటోతో సహా ఈ- కర్షక్ యాప్ లో నమోదు చేస్తారు.

గ్రామ రెవిన్యూ అధికారి, గ్రామ సర్వేయరు, విలేజి అగ్రికల్చర్/హార్టికల్చర్ అసిస్టెంట్ అందరు రైతు తాలుకా పొలమును పరిశీలించి పంట వివరాలు, రైతు వివరాలు తమ రికార్డు ప్రకారం సరి చూసుకుని పొందు బరుస్తారు. ఇలా నమోదు చేసుకున్న రైతుకు మాత్రేమే ప్రభుత్వం అందించే రాయితీలు, సబ్సిడి పరికరాలు, పంటలు అమ్ముకోటానికి అవకాశం కలుగుతుందని రైతులు అందరు వినియోగించుకోవాలని వ్యవసాయ అధికారులు కోరుతున్నారు. అవనిగడ్డ నియోజకవర్గంలో ఆరు మండలాల్లో 68 రెవిన్యూ గ్రామాల్లో య.96,246 ఎకరాలు ఉండగా ఇప్పటికి య.10,684 ఎకరాలు వ్యవసాయ, ఉద్యాన పంటలు నమోదుచేశారు.

ఇదీ చదవండికొల్లు రవీంద్ర బెయిల్ పిటిషన్ కొట్టివేత