400 ఎకరాల భూ కుంభకోణంలో మంత్రి జయరాం పాత్రపై అన్ని ఆధారాలు బయటపెట్టినా.. ముఖ్యమంత్రి జగన్ ఎందుకు స్పందించటం లేదని, తెదేపా పొలిట్ బ్యూరో సభ్యులు నిమ్మకాయల చినరాజప్ప ప్రశ్నించారు. తక్షణమే మంత్రి జయరాంను బర్తరఫ్ చేయాలని డిమాండ్ చేశారు.
భూ అక్రమాలపై సీబీఐతో విచారణ జరిపించాలన్నారు. ఈఎస్ఐ కుంభకోణంలో మంత్రి జయరాం ఇప్పటికే అడ్డంగా దొరికారని వ్యాఖ్యానించారు. అయినా.. ముఖ్యమంత్రి జగన్ విచారణ కమిటీ వేయకపోగా, కనీసం పట్టించుకోకపోవటం దుర్మార్గమని చినరాజప్ప మండిపడ్డారు.