ప్రచారపర్వంలో అభ్యర్థుల సతీమణులు

ఎన్నికల ప్రచారపర్వంలో అభ్యర్థుల భార్యలూ భాగం పంచుకుంటున్నారు. ఇంటింటి ప్రచారం చేస్తూ తమ వంతు సాయం చేస్తున్నారు.

విజయవాడ సెంట్రల్ నియోజకవర్గ తెదేపా అభ్యర్థి బొండా ఉమామహేశ్వర రావు తరఫున ఆయన సతీమణి బొండా సుజాత... విజయవాడ పార్లమెంట్ అభ్యర్థి కేశినేని నాని తరఫున ఆయన సతీమణి కేశినేని పావని ప్రచారం చేశారు. స్థానిక దుర్గాపురం ప్రాంతంలో ఇంటింటికి తిరుగుతూ తెదేపాకు ఓట్లు వెయ్యాలని అభ్యర్థించారు. నియోజకవర్గంలో ప్రజలకు అందుబాటులో ఉండే వ్యక్తి బొండా ఉమామహేశ్వర రావు అని... అందుకనే తన భర్త తరఫున ప్రచారం చేస్తున్నానని సుజాత చెప్పారు. ఎక్కడికి వెళ్లినా నియోజకవర్గ ప్రజలు బ్రహ్మరథం పడుతున్నారన్నారు.'విజయవాడ నగరం అభివృద్ధి చెందడానికి పార్లమెంట్ సభ్యులు కేశినేని నాని చేపట్టిన అనేక సంక్షేమ కార్యక్రమాలను ప్రజలకు వివరిస్తూ ఓట్లు అభ్యర్థిస్తున్నాం' అని నాని సతీమణి పావని తెలిపారు.