అదనపు కట్నం కోసం... అత్తను కొట్టిన అల్లుడు

మానవత్వం మరిచాడు. మహిళ అని చూడకుండా చితకబాదాడు. అదనపు కట్నం కోసం ఇంతటి దారుణానికి కృష్ణా జిల్లాలోని ఓ ప్రబుద్ధుడు ఒడిగట్టాడు.

కృష్ణా జిల్లా మచిలీపట్నంలో దారుణం జరిగింది. అదనపు కట్నం కావాలంటూ అత్తపై ఓ అల్లుడు దాడి చేశాడు. ఆయన్ను అడ్డుకోబోయిన ఇద్దరు మహిళలపైనా విచక్షణారహితంగా కత్తితో పొడిచే ప్రయత్నంలో గాయపరిచాడు. ఇద్దరు మహిళలూ ఆయన సమీప బంధువులే. ఈ ఘటనలో గాయపడిన మొత్తం ముగ్గురు మహిళల్లో ఒకరి పరిస్థితి విషమంగా ఉంది. బాధితుల ఫిర్యాదుతో పోలీసులు కేసు దర్యాప్తు చేస్తున్నారు.