రాష్ట్రంలో కరోనా ఉద్ధృతి తీవ్రస్థాయిలో ఉండటంతో ప్రభుత్వం కీలక నిర్ణయం తీసుకుంది. ఐసీఎంఆర్ అనుమతించిన ప్రైవేటు ల్యాబ్లలో కొవిడ్ పరీక్షలకు అనుమతిస్తూ రాష్ట్ర ప్రభుత్వం ఉత్తర్వులు జారీ చేసింది. ప్రభుత్వం నుంచి పంపే నమూనాలు, ప్రైవేటుగా సేకరించే నమూనాల పరీక్షకు ధరలు నిర్ణయిస్తూ వైద్యారోగ్యశాఖ ప్రత్యేక ప్రధాన కార్యదర్శి కె.ఎస్ జవహర్ రెడ్డి సోమవారం ఆదేశాలు ఇచ్చారు.
ధరలివే...
ప్రైవేటు ఆస్పత్రులు, ల్యాబ్స్లలో ర్యాపిడ్ యాంటీజెన్ ద్వారా పరీక్షలకు 750 రూపాయలకన్నా ఎక్కువ వసూలు చేయరాదని ఆదేశాల్లో ప్రభుత్వం పేర్కొంది. ఆర్టీపీసీఆర్ ద్వారా చేసే ఒక్కో నమూనా పరీక్షకు 2800 ధరను నిర్ధారించింది. ఈ మొత్తంలోనే ర్యాపిడ్ కిట్తో పాటు పీపీఈ కిట్లు, మానవనరుల వ్యయం ఉంటుందని ప్రభుత్వం ప్రైవేటు ల్యాబ్లకు, ఆస్పత్రులకు స్పష్టం చేసింది.