సార్వత్రిక ఎన్నికల్లో తెలుగుదేశం పార్టీకి ఓటు వేశారని కక్షసాధింపులో భాగంగా తమ పై దాడులు చేస్తున్నారని గుంటూరు జిల్లా మాచవరం మండలం చెన్నాయపాలెం గ్రామస్థులు ఆవేదన వ్యక్తం చేశారు . తమకు రక్షణ కల్పించాలని జిల్లా రూరల్ ఎస్పీకి వినతి పత్రం అందిచారు. వైసీపీ కార్యకర్తలు తమ పై దాడులు చేయగా మగవారు గ్రామాన్ని వదిలి వెళ్లిపోయారని ఓ మహిళ ఆవేదన వ్యక్తం చేసింది. నిన్న అర్థరాత్రి కొంతమంది ఇంటికి వచ్చి మీ భర్త ఎక్కడ అని దాడులకు పాల్పడినట్లు వాపోయింది. ఇంత జరుగుతున్న పోలీసులు పట్టించుకోవడం లేదని బాధితులు ఆరోపించారు.
గ్రామస్థుల ఆవేదన