ఉయ్యందనలో వైకాపా రిగ్గింగ్​కు పాల్పడిందని తెదేపా నేతల ఆందోళన

గుంటూరు జిల్లాలోని పలుచోట్ల ఎంపీటీసీ, జడ్పీటీసీ ఎన్నికల సందర్భంగా వైకాపా, తెదేపా నేతల మధ్య ఘర్షణ నెలకొంది. ఉయ్యందనలో అధికార పార్టీ వారు రిగ్గింగ్​కు పాల్పడుతున్నారని తెదేపా నేతలు ఆందోళన చేశారు. గారపాడులో ఇరువర్గాల మధ్య ఘర్షణ జరిగింది.

గుంటూరు జిల్లా క్రోసూరు మండలం ఉయ్యందన గ్రామంలో... జడ్పీటీసీ, ఎంపీటీసీ ఎన్నికల సందర్భంగా అధికార పార్టీ నాయకులు రిగ్గింగ్​కు పాల్పడ్డారని తెదేపా నేతలు పోలింగ్ కేంద్రం వద్ద ఆందోళన చేపట్టారు. ఎన్నికల సిబ్బంది వద్ద ఉన్న జడ్పీటీసీ బ్యాలెట్ పత్రాల్లో ఫ్యాన్ గుర్తుకు ఓటు వేసి ఉండటంతో తెదేపా నేతలు తీవ్ర ఆగ్రహం వ్యక్తం చేశారు. ఈ ఘటనపై అధికారుల తీరును నిరసించారు.

మరోవైపు గుంటూరు జిల్లా పెదకూరపాడు మండలం గారపాడులో వైకాపా, తెదేపా నేతలు రెండు వర్గాలుగా ఏర్పడి ఘర్షణకు దిగారు. సమాచారం అందుకున్న పోలీసులు... సంఘటనా స్థలానికి చేరుకుని ఇరువర్గాల వారిని చెదరగొట్టారు.

ఇదీచదవండి.