కాలువలో పడి వ్యక్తి గల్లంతు...గాలింపు చర్యలు ముమ్మరం
కొమ్మమూరు కాలువలో పడి ఓ వ్యక్తి గల్లంతైన ఘటన గుంటూరు జిల్లా చేబ్రోలులో జరిగింది. పొన్నూరు మండలం గాయం వారి పాలెం గ్రామానికి చెందిన పోలీశ్వరరావు అయ్యప్ప దీక్ష ధరించాడు. ఈ క్రమంలో శుక్రవారం భజనకు హాజరయ్యేందుకు తోటివారితో కలిసి బయల్దేరారు. కొమ్మమూరు కెనాల్ వద్ద స్నానం చేసేందుకు మెట్లు దిగుతుండగా ప్రమాదవశాత్తు కాలుజారి కాలువలో పడి పోయాడు. తాడేపల్లి నుంచి ఎన్డీఆర్ఎఫ్ బృందాలు ఘటనాస్థలికి చేరుకొని గాలింపు చర్యలు చేపట్టాయి.