'కోడెల మృతిపై సోషల్ మీడియాలో వచ్చే వార్తలు అవాస్తవం'
ఏపీ మాజీ సభాపతి కోడెల శివప్రసాదరావు ఆత్మహత్యపై దర్యాప్తు కొనసాగుతోందని స్పష్టం చేశారు బంజారాహిల్స్ ఏసీపీ కేఎస్ రావు. ఆయన మృతికి గల కారణాలపై అనుమానం ఉన్న వారందరినీ విచారిస్తున్నామని తెలిపారు. ఇప్పటి వరకు ఈ కేసులో 12 మందిని విచారణ చేసినట్లు వివరించారు. కోడెల కుటుంబ సభ్యుల స్టేట్మెంట్లను రికార్డు చేసినట్లు పేర్కొన్నారు. కోడెల ఫోన్లోని కాల్డేటాపై ఆరా తీస్తున్నట్లు చెప్పారు. సోషల్ మీడియాలో కాల్డేటాపై వస్తున్న వార్తలు అవాస్తవమని వాటిని నమ్మొద్దని స్పష్టం చేశారు. అన్ని కోణాల్లో కేసు దర్యాప్తు చేసి త్వరలోనే పురోగతి సాధిస్తామంటున్న బంజారాహిల్స్ ఏసీపీ కేఎస్రావుతో ఈటీవీ భారత్ ప్రతినిధి శ్రీకాంత్ ముఖాముఖి.