తెనాలి సమీపంలోని కంచర్లపాలెం వద్ద వ్యక్తి హత్య
Murder at guntur: పాత కక్షల కారణంతో ఆటోలో వెళుతున్న వ్యక్తిని వెంటాడి నరికి చంపిన ఘటన గుంటూరు జిల్లా తెనాలిలోని కంచెర్లపాలెం సమీపంలో జరిగింది. గుంటూరు జిల్లా తెనాలికి చెందిన రబ్బానీ సాహెబ్ అనే వ్యక్తిని.. ఇద్దరు గుర్తు తెలియని వ్యక్తులు కత్తులతో దారుణంగా నరికి చంపారు. పాత కక్షల నేపథ్యంలో ప్రత్యర్థులు హత్య చేసినట్లు కుటుంబ సభ్యులు అనుమానం వ్యక్తం చేస్తున్నారు.
విజయవాడకు కొడుకుతో కలిసి.. ఆటోలో వెళుతుండగా.. దుండగులు ద్విచక్రవాహనంపై వెంబడించి హత్య చేసినట్లు ఆటో డ్రైవర్ పేర్కొన్నారు. విషయం తెలుసుకున్న కుటుంబ సభ్యులు ఘటనా స్థలానికి చేరుకొని కన్నీరుమున్నీరయ్యారు. ఘటనపై కేసు నమోదు చేసుకున్న పోలీసులు దర్యాప్తు చేపట్టారు. పోస్టుమార్టం నిమిత్తం మృతదేహాన్ని తెనాలి ప్రభుత్వాసుపత్రికి తరలించారు.