గుంటూరు జిల్లా తాడేపల్లి గ్రామంలో పోలీసులు వాహనాలను తనిఖీ చేశారు. తెలంగాణ నుంచి వస్తున్న లారీని పోలీసులు తనీఖీ చేయగా అందులో అక్రమంగా మద్యం తరలిస్తున్నట్లు గుర్తించారు. లారీ డ్రైవర్ అన్వర్తో పాటు... నవీన్, సాయి కుమార్ అనే వ్యక్తులు పారిపోతుండగా పోలీసులు పట్టుకుని విచారించారు. తెలంగాణ రాష్ట్రం నుంచి తాడేపల్లికి మద్యం తరలించి విక్రయిస్తున్నట్లు తెలిపారు. ఈ ఘటనలో ఊర్మిళ నగర్లోని ముగ్గురు వ్యక్తులను అదుపులోకి తీసుకొని.. ఓ మోటార్ సైకిల్, రూ.13500ను స్వాధీనం చేసుకున్నట్లు పోలీసులు తెలిపారు.
పక్క రాష్ట్రాల నుంచి అక్రమంగా తరలిస్తున్న మద్యంపై స్థానికులు సమాచారం అందించాలని... వారి వివరాలు గోప్యంగా ఉంచుతామని గుంటూరు జిల్లా అర్బన్ ఎస్పీ అమ్మిరెడ్డి అన్నారు.