సీఎం నివాసం వద్ద తొక్కిసలాట.. మహిళకు అస్వస్థత

ముఖ్యమంత్రి జగన్​ను కలిసి తమ సమస్యలపై అర్జీలు ఇచ్చేందుకు సీఎం నివాసానికి ప్రజలు అధిక సంఖ్యలో తరలివచ్చారు. దీంతో స్వల్ప తొక్కిసలాట జరిగింది. ఈ ఘటనలో ఓ మహిళ స్పృహ తప్పి పడిపోయింది.

గుంటూరు జిల్లా తాడేపల్లిలోని సీఎం జగన్‌మోహన్‌ రెడ్డి నివాసం వద్ద స్వల్ప తొక్కిసలాట జరిగింది. ముఖ్యమంత్రికి అర్జీలు అందజేసేందుకు సందర్శకులు వేల సంఖ్యలో తరలిరావడంతో ఈ ఘటన చోటు చేసుకుంది. వీరిలో అనంతపురానికి చెందిన ఓ మహిళ స్పృహ తప్పి పడిపోయింది. ప్రస్తుతం ఆమె పరిస్థితి ఆందోళనకరంగా ఉండడంతో విజయవాడ ఆసుపత్రికి తరలించారు.